Meeqqat atuarfianit qaffasinnerusunik ilinniarnernik naammassinnissimasut
2016-ip naanerani inuit 5.156-it ingerlariaqqiffiusumik ilinniarnernik qaffasinnerpaatut ilinniagaqarsimapput. Procentinngorlugu innuttaasut 16-it sinnerlugit ukiulinni annertussusaat 12,1 pct.-iuvoq, tamannalu ukiut qulit ingerlanerini 2,6 procentpoint-inik qaffariarneruvoq. Ukiumi pineqartumi katillugit inuit 11.143-t ilinniarnertuunngorniarfinni, inuussutissarsiornermi ilinniarfinni imaluunniit qaffassarluni pikkorissarnernik qaffasinnerpaamik ilinniagaqarsimapput. Procentinngorlugu innuttaasut 16-it sinnerlugit ukiulinni annertussusaat 26,1 pct.-iuvoq, ukiullu qulit ingerlanerini 4,8 procentpointinik qaffariarnerulluni.
Titartakkap1-ip takutippaa agguaqatigiissinnermiarnat ingerlariaqqiffiusumik ilinniarsimasut ukiuni kingullerni qaffariarsimasut 2016-imilu 56,2 pct.-inik annertussuseqarsimasut. Ukiut qulit matuma siorna suiaassutsit akornanni naligiimmik agguataarsimapput. Pingaartumik arnat professionsbacheloritut, peqqinnissami atugarissaarnermi aammalu ilinniartitsisutut ilinniagaqarsimapput. Angutit aamma pingaartumik ilinniartitsisunngorniarnermi professionsbacheloritut ilinniarsimapput. Aammattaaq illuliassanik titartaasartutut illuliortaatsimi aammalu sanaartornermi taamatullu ingeniøritut aammalu teknikkimi ilinniagaqarsimapput, ingerlariaqqiffiusumillu inuussutissarsiornermi ilinniarfinni sivikinnerusuni, ilaatigut inuussutissarsiornermi allaffissornermilu aamma ilinniarsimapput.
Professionsbacheloritut ilinniarsimasut ingerlariaqqiffiusumik ilinniarfinni 2.580-iullutik amerlanerpaapput. Bacheloritut ilinniarsimasut 251-iupput, tamanna ukiut qulit ingerlanerini marloriaatingajanngorneruvoq.
Titartagaq 1. innuttaasuni meeqqat atuarfiannit qaffasinnerusumik ilinniakkanik naammassinnissimasut ukiup naalernerani naatsorsukkat amerlassusaat, suiaassuseq aammalu ukioq malillugit agguaanneri
Nalunaarut: Ilinniarnertuunngorniarluni inuussutissarsiornermilu ilinniarnerni aamma qaffassarluni ilinniarnerit ilaapput.
Najoqqutaq:Naatsorsueqqissaartarfik – Kisitsisaataasivimmi kiksitsisit (http://bank.stat.gl/UDNISCPROB).